Бүсгүйчүүд маань гоо сайханы нэгэн хэсэг болсон хөлөндөө анхаарал бага тавьдаг нь ажиглагдаг. Тиймээс та бүхэн цөөн хэдэн зөвөлгөө танилцуулъя.

Хөлөө гэрийн нөхцөлд арчлах энгийн арга бол өдөр тутам савантай бүлээн усаар угаах юм. Өсгийн хатуурсан хэсгийг арилгахын тулд савангийн хөөстөй усанд 20 минут дэвтээх  хэрэгтэй. Зөөлөрсөн хэсгийг болгоомжтой үрж арилгаад арьсаа хатсаны дараа тос түрхэнэ.

Хөлөрөмтгий   чийг татдаг хөлтэй хүнд дараахь арга сайн байдаг. 2 литр усанд 300 гр царс модны холтос хийж 30 минут буцалгаад  хөрсөн хойно нь 2литр ус нэмж өгнө. Уг усандаа хөлөө өдөр болгон  20-30 минут дүрнэ.

Хэрвээ хөл чинь сайртаж хагардаг бол унтахаасаа өмнө хөлөө угаасаны дараа оливийн тос түрхээд хөвөн цаасан оймс өмсөх хэрэгтэй.

Хөлний массаж нь арьсыг зөөлөн уян хатан болгодог. Дунд зэргийн ширүүн үстэй хуурай 2 сойзоор хөлний угаас дээшээ тойрог хөдөлгөөнөөр улайтал ньүрж өгнө. Дараа нь крем юмуу ургамалын тосоор тосолж өгнө.

Зарим хүнсний ногоо нь хөлний мөөгөнцөрийн эсрэг үйлчилгээтэй байдаг.  Шинэ улаан лоолийн шүүс, бөөрөнхий сонгины шүүсээр арчаад хатаавал сайн нөлөө үзүүлдэг.

Зогсоо ажил хийдэг хөл их ядардаг хүмүүс сулавтар давсны уусмалаар норгосон зөөлөн хөвөн цаасан оймс өмсөөд гадуур нь хуурай ноосон оймс өмсөж унтавал өглөө гэхэд дахин ажиллах эрч хүчтэй болдог.

Сэтгэгдлүүд (0)

Сэтгэгдэл ирэх бүрт мэдээлэл авах

Нэр

Имэйл

Вэб сайт

Гарчиг

Сэтгэгдэл

жижигрүүл | томруул

Имэйлээр мэдэгдэж байх (зөвхөн хэрэглэгчид)

Би уншиж танилцаад зөвшөөрч байна Дүрэм, журам.

Сэтгэгдэл үлдээх