iPhone 3G Шагналын Эзнийг Тодруулах Цаг Ирлээ

Монгол-Тайваны хамтарсан судалгааны төслийн хүрээнд хийгдсэн бидний судалгаанд оролцож цаг заваа гаргаж, чин сэтгэлээсээ тусалсан интернет хэрэглэгчдэд талархсанаа илэрхийлж азтанг шалгаруулах үйл ажиллагааны зарыг хүргэж байна.

Азтанг тодруулах арга хэмжээ: Манай судалгаанд оролцогчдоос 1 хүнийг сугалааны зарчмаар сонгож IPhone 3G гар утас бэлэглэнэ. Энэхүү арга хэмжээг 2009 оны 12 сарын 19-ны өдрийн 13.00 цагт ШУТИС-ийн Компьютерийн техник Менежментийн Сургуулийн хичээлийн байрны 206 тоот ангид зохион байгуулна.

Судалгааны талаархи товч мэдээлэл: Судалгааг “Интернетийг мэдээлэл олох, онлайн төлбөр хийх болон онлайн худалдан авалт хийх суваг хэмээн хүлээн авч буй хэрэглэгчийн зан төлөвийн хандлагыг тодорхойлох нь” нэртэйгээр 2009 оны 4, 5 ба 6 дугаар сард www.tsahim.net хаягаар авсан.

Судалгааны зорилго: Мэдээлэл, харилцаа холбооны шинэ техник, технологи бидний өдөр тутмын ажил, амьдралд ямар их үнэ цэнэтэй вэ гэдгээ улам бүр мэдрүүлж, ойлгуулж, бүр бодит хэрэглээ болж чадаж байгаа билээ. Иймд хэрэглэгчдэд долгион адил бий болж байгаа тэрхүү ашигтай хэрэгтэйг нь ойлгосон, хүссэн, хэрэглэхээр шийдсэн, хэрэглээний ялгаатай төлөв байдлууд, тэдгээрт нөлөөлж байгаа хүчин зүйлсийг судлах явдал байв. Судалгааны үр дүн нь төрийн бодлого тодорхойлогчид, бизнесийн байгууллагуудын удирдлагуудад МХХТ-ын эцсийн хэрэглэгчдийн зан төлвийн хандлагыг тухай бүрт нь мэдэж өөрсдийн бодлого төлөвлөлт, үйл ажиллагаандаа тусгаж ажиллах ач холбогдолтой гэж үзэж байна.

Судалгааны баг

Дуртай зүйлстээ нэмэх

Хадгалах

Үүнийг Имэйлээр илгээе

Уншсан: 3218

Сэтгэгдлүүд (2) Add Comment