Нулимс гаргалгүйгээр сонгино хэрчих энгийн бөгөөд сонирхолтой аргууд

Бичсэн Ундрал

Сонгино хэрчих ч бас хэцүү ажил шүү. Их хэмжээгээр хэрчих тохиолдолд бүр ч хэцүү. Цагаан сараар хамгийн сүүлд сонгино хэрчсэнээ санаж байна. Нүд хорсож, нулимс гараад хэцүүхэн л байсан. Харин нулимс гаргалгүй сонгино хэрчих аргууд байдгыг мэдээд та бүхэнтай хуваалцья гэж бодлоо.

1.    Юуны өмнө хутгаа сайн бэлдэх хэрэгтэй гэнэ. Сонгиныг хэрчихдээ гэмтээх, шахах, няцлах нь сонгиноос ялгарах бодисыг ихээр гаргахад хүргэдэг аж. Тэгхээр хутга хурц байх тусам сонгиныг гэмтээлгүйгээр хэрчиж чадна гэсэн үг.
2.    Нулимс гаргахаас хамгаалдаг шалгарсан арга бол сонгиныг хөргөх буюу хөлдөөх юм. Гэхдээ хэт хөлдөөж болохгүй.
3.    Контакт линз зүүж болохнээ. Линз нь нүдрүү элдэв янзын зүйлс орохоос сайн хамгаалдаг байна.
4.    Сонгино хэрчихдээ хажуудаа ус тавих. Ус сонгины ялгаруулах бодисыг саармагжуулдаг .
5.   Зөвхөн амаараа амьсгал. Амаар амьсгалах нь бодис нулимсны булчирхайнд хүрэхээс сэргийлж чаддаг байна. Харин хамраар амьсгалж эхлэх үед таны нүднээс нулимс гарч эхэлнэ.
6.    Хажуудаа лаа асааж болно. Тамхи татах үед хажуудаа лаа асаавал утааг өөртөө татдаг гэдгийг бид сайн мэднэ. Түүнтэй адилаар сонгино хэрчиж байхдаа лаа асаавал сонгиноос гарах бодисыг мөн лаа өөртөө татна.
7.    Зарим хүмүүс сонгино хэрчихдээ бохь зажлах нь нулимс гарахаас сэргийлдэг гэж ярьдаг юм билээ. Яахав та туршаад үзнэ биз.
8.    Хажуудаа сэнс тавьж болно. Ойлгомжтой байгаа биз дээ. Сонгиноос гарах бодисыг сэнс хөөх болно.
9.    Амандаа зүсэм талх хийх. Талхны ил гарсан хэсэг сонгиноос гарах бодисыг өөртөө шингээж авна.
10.   Хутганыхаа үзүүрт цагаан цуу түрхэх