Аяллын явцын хамгийн гол хэсгийн нэг бол аяны гал тогоо юм. Ялангуяа зуны халуун өдрүүдэд аяны хүнсийг муутгаж гэмтээлгүй хадгалж авч явах нь хамгийн чухал байдаг.

Чанараа алдсан хоол хүнс нь илчлэг тэжээлээ алдаж витамингүй болдог мөн цаашлаад ходоод гэдэс эвгүйтүүлж хордлого өгөхөд хүргэдэг.

Аялалын явцад хүн ядардаг тул аль болох витаминаар баялаг хүнсийг сонгоорой. Мөн аялалын явцад хүнсэндээ шоколад заавал авч явах хэрэгтэй бөгөөд шоколад хүний эрч хүчийг сэргээж аялалын тань алжаалыг тайлж чадна.

Хэрхэн хоол хүнсээ зөв хадгалах вэ?

Мах
Аялалд явах махыг ихэвчлэн шуузлах маягаар авч явдаг. Шаардлагатай үед нойтон махыг 2-3 хоног цаасан хайрцагт болон нарнаас хол байлгаж хэрэглэхэд зүгээр. Ер нь мах хурдан мууддаг хоол хүнсний тоонд орох тул аялах хугацаандаа тухайн орон нутгаас махаа бага багаар авч хэрэглээрэй.

Гоймон
Хүнсэндээ гоймон сонгож авах гэж байгаа бол жижиг хэмжээтэй орцондоо өндөг орсон байвал зүгээр. Учир нь өндөгтэй гоймонгоор хоол хийхэд болох нь хурдан ба олон хоног хадгалах үед хаталт багатай байдаг. Гоймонгоо аль болох агаар салхи орохооргүй битүү саванд хадгалах хэрэгтэй.

Хүнсний ногоо
Аялалын үед хүнсний ногоо авч явахдаа агаар салхи нэвтрэхээр цаасан хайрцагт хийвэл зүгээр байдаг. Олон хоног гялгар уут эсвэл битүү саванд хийж явахад хүнсний ногоо зөөлөрч витаминлаг чанараа алддаг учир торон уут болон агаар нэвтрэхээр саванд хадгалж явбал зуны цагт 4-6 хоног хэвийн байна.

Өргөст хэмх
Аялалын явцад дан мах, гурил идэх нь ходоод гэдсэнд муу. Тиймээс өргөст хэмхийг авч явах хэрэгтэй. Учир нь өргөст хэмх бусад нарийн ногоонуудыг бодвол хадгалахад амар байдаг. Гэхдээ өргөст хэмх сонгохдоо аль болох зөөлрөөгүй, хатуугаас нь сонгох хэрэгтэй.

Өндөг
Аяны явцад хадгалахад хамгийн төвөгтэй хүнс бол өндөг. Өндгийг хамгийн гол нь гэмтээлгүй  авч явах хэрэгтэй. Хэдий хагарч гэмтээд хальж урсаагүй ч гэсэн бага хэмжээний агаар ороод 10-12 цаг болсон тохиолдолд өндгийг хэрэглэх хэрэггүй.
 

Сэтгэгдлүүд (0)

Сэтгэгдэл ирэх бүрт мэдээлэл авах

Нэр

Имэйл

Вэб сайт

Гарчиг

Сэтгэгдэл

жижигрүүл | томруул

Имэйлээр мэдэгдэж байх (зөвхөн хэрэглэгчид)

Би уншиж танилцаад зөвшөөрч байна Дүрэм, журам.

Сэтгэгдэл үлдээх