Хэрхэн хүн ятгаж, шийдвэрт нь нөлөөлөх вэ?

Цахимд нэвтрэх

Бүртгүүлэх

Home

Зөвлөгөө

Боловсролын зөвлөгөө

Хэрхэн хүн ятгаж, шийдвэрт нь нөлөөлөх вэ?

Шинээр нэмэгдсэн зөвөлгөөнүүд

Орлоо Мэдээ мэдээлэл

Хэрхэн хүн ятгаж, шийдвэрт нь нөлөөлөх вэ?

Боловсрол

Бичсэн Ундрал

persuasion2 Та хэн нэгэнтэй хэлэлцэх, гэрээ байгуулах эсвэл шийдвэр гаргах үедээ өөрт ашигтай байдлыг авчирах, хүссэн үр дүнгээ харахын тулд тэднийг ятгадаг. Мэдээж хүн ятгах хэцүү. Учир нь тэд өөр өөрсдийн үзэл бодолтой байдаг.
Бид ятгалгыг олон хэлбэрээр хийдэг. Загнах, гүтгэх, хэлэх, ойлгуулах гм. Гэхдээ та чухам ямар байдлаар хандаж, ятгаж байгаагаас үр дүн ихээхэн шалтгаалдаг байна.

Та дараах зөвөлгөөг уншсанаар хүний зан төлөвийн талаар мэдээлэл авах бөгөөд энэ нь танд цаашдаа хүнд нөлөөлөхөд тань тус болно гэдэгт итгэж болно.

1. Хүн дуртай зүйлдээ амархан автдаг. Та ямар ч шалтгаанаар юманд дуртай болж болно. Гэхдээ нэг зүйл үнэхээр үр нөлөө үзүүлдэг нь адил төстэй байдал юм. Бид бидэнтэй төстэй зүйлд маш дуртай байдаг. Жишээ нь та хүнд итгэх болвол өөртэй чинь адил хүнд илүү итгэнэ шүү дээ. Тэгэхээр та хэн нэгэн хүнтэй харилцах эсвэл хамтран нийлж шийдвэр гаргах гэж буй бол тухайн хүн, та 2рт байгаа ижил төстэй зүйлийг нь олж харах хэрэгтэй. Энэ зүйл нь маш үнэмшилтэй байх хэрэгтэй бөгөөд тухайн этгээд үүнийг тань шууд олж харах боломжтой байх ёстой. Ижил төстэй байх нь зөвхөн танд бус харилцагч хүнд тань мөн сайхан санагдах болно. Мөн харилцаанд тань учрах саад бэрхшээлээс зайлсхийх сайн арга бол та тэдэнд дуртай байгаагаа мэдэгдүүлэх юм. Тэр танд дуртай байхаас илүү та түүнд дуртай байх нь чухал гэсэн үг юм.

2. Хэрвээ таны харилцах гэж оролдож буй хүн тань таны ар тал, таны талаар сайн мэдэж байх юм бол тантай харилцахаасаа эмээхгүй байх болно. Зарим хүмүүс өөрийгөө байнга магтаж байдаг. Гэтэл бодит байдал дээр хүмүүс түүнийг муу хүн хэмээн ярьдаг. Энэ нь таныг хүмүүстэй харилцахад маш их саад болдог гэж болно. Мөн ямар нэг асуудлын талаар ярилцахдаа та тухайн асуудлынхаа талаар мэдээлэл сайтай байх ёстой. Ингэх нь нөгөө хүндээ итгэл үнэмшил төрүүлдэг байна.
Мөн та өөрийгөө итгэж болох хүн гэдгээ батлахын тулд өөрийн сул талаа хүлээн зөвшөөрөх хэрэгтэй. Тухайн асуудлыг таны хүссэнээр шийдэхгүй бол танд ямар их гарз хохирол учрах талаах илэн далангүй хэлэх нь тухайн хүндээ итгэл төрүүлдэг байна. Хэрвээ та ямар нэг тодорхой зүйлийг мэдэхгүй байгаа бол шууд түүнийгээ хүлээн зөвшөөрөх хэрэгтэй. Энэ нь харилцах саадыг багасгаж өгдөг давуу талтай юм.
Өөрөөр хэлбэл та хамгийн ширүүн маргаанаа эхлэхээсээ өмнө өөрт тань ямар сул тал бий болох талаар нөгөө хүндээ хэлэх нь зөв. Нөгөө хүн тань энэ талаар мэдэж байсан ч хамаагүй. Тэгэхээр та бодит байдлаа яг үнэнээр нь хэлэх хэрэгтэй гэсэн үг. Жүжиглэх хэрэггүй.

3. Бид авч чадахгүй байгаа зүйлээ ихээр хүсэж мөрөөддөг. Тэгвэл яаж хүнийг ямар нэг зүйлийг ихээр хүсүүлэх вэ? Тэгэхээр тэр зүйлийг нь ховор болго. Хүн ямар нэг зүйлийг авж чадахгүйгээ мэдэх үед боломж нь нарийссаар байдаг. Боломж багасаж, ховор болох тусам бүр илүү их хүсдэг. Өөрөөр хэлбэл боломж бага, ховор байх тусам тухайн зүйлийн үнэ цэнэ нь нэмэгддэг. Тэгэхээр та ямар нэг хэлэлцээр хийхийн өмнө өөрийн тухайн хүнд санал болгож чадах сайхан санал, боломжуудаа тодорхой болгох болно. Үгүй гээд хэлчихвэл юм алдах гээд байгаа мэт сэтгэгдэлийг тухайн хүндээ төрүүлэх ёстой гэсэн үг.
Хамгийн гол нь тухайн хүн хэлэлцээрийг татгалзах аваас давуу талыг алдах гээд байгааг ойлгуулах нь таны хийх ёстой зүйл юм.

4. Хүмүүс тогтвортой, оновчтой зүйлд тааламжтай ханддаг. Өөрөөр хэлбэл тухайн хүнийхээ тавьдаг шаардлага, зарчмыг нь мэдэх нь чухал. Үүнийг мэдсэн тохиолдолд та тэрхүү зарчим дээр нь үндэслэж харьцах ёстой. Үүнийг мэдэх хамгийн сайн арга бол тэдэнтэй аль болох их цагийг өнгөрөөх, тухайн хүнээ сайн танин мэдэх хэрэгтэй. Ингэснээр тухайн хүний санаа бодол, үзэл баримтлалыг сайн мэдэх боломжтой.

5. Бид хүнд тусалж, дэмжсэний дараа эргээд тухайн хүнээс хариу хүсдэг. Тэгэхээр та тухайн хүнд туслах аваас тэр хүн танд туслах ёстой гэсэн бодол бий болно гэсэн үг. Энэ зарчмыг хэрэгжүүлэхийн тулд юуны өмнө та тухайн хүнд хэрхэн тусалж чадах вэ гэдгээ бодож олох хэрэгтэй.

Алхам1. Эхлээд юуны өмнө та найрсаг байх хэрэгтэй.
Алхам2. Та эхэлж тухайн хүнд туслах хэрэгтэй.
Алхам3. Та эхэлж нөхөрсөг байх хэрэгтэй.
Алхам4. Та эхэлж хамтын ажиллагааг эхлүүлэх хэрэгтэй.
Алхам5. Та эхэлж мэдээлэл өгж эхлэх хэрэгтэй.
Өөрөөр хэлбэл таны эхэлж эхлүүлсэн зүйл танд өөрт тань буцан ирнэ гэсэн үг.

6. Хүн шийдвэр гаргах үед яахаа мэдэхгүй болсон тохиолдолд бусад хүмүүсийн үйлдэлийг ажиглаж, тэд ямар үйлдэл хийж байгааг хардаг. Тэгэхээр тухайн хүндээ өмнө нь ийм асуудлыг хэн нэгэн яаж, шийдээд, хэрхэн зөв шийдвэр гаргасан талаар баталгаа гарган ярих хэрэгтэй. Учир нь хүн бусдын гаргасан шийдвэртэй адил шийдвэр гаргах үе байдаг.

Дүгнэлт
Та хүнийг ятгах 6 аргыг мэдлээ. Энэ аргуудыг та чухал хэлэлцээр хийх гэж буй болоод өдөр тутмын амьдралдаа ч ашиглаж болно. Та эдгээр зарчмыг өөрийн амьдралдаа ашиглахаас гадна мөн та яагаад хүмүүсийн нөлөөнд ордог вэ гэдгээ мэдэж авах боломжтой юм. Ингэснээр та ямар ч тохиолдолд өөрийн хүсэж буй үр дүндээ хүрэх боломжтой болно.

Амжилт хүсье!

Дуртай зүйлстээ нэмэх

Хадгалах

Үүнийг Имэйлээр илгээе

Уншсан: 3782

Сэтгэгдлүүд (2) Add Comment