Та өдөржин оффист сууж, эсвэл хөлөө эргэтэл гадуур гүйхгүйгээр амархан аргаар мөнгө олмоор байна уу? Ажил хийхийн оронд дуртай зүйлээ сонирхож, спортоор хичээллэж, найз нөхөдтэйгөө уулзаж цагийг зугаатай өнгөрүүлэхийг ч хүсдэг байж болох юм.

Магадгүй энэ танд үлгэрийн юм шиг санагдаж байгаа. Тэгвэл үгүй юм. Өнөөдөр монголд энэ төрлийн бизнесээр хөлжиж сурсан олон хүн бий. Сүлжээ юу? Бас үгүй.

Танд хуучин ч хамаагүй байр байхад л болно. Мэдээж хөлслүүлэх боломжтой.
Тэгвэл танд хуучин байраа үнэд хүргэж хөлслүүлэх энгийн бөгөөд ашигтай аргыг хүргэе.

Энэ зөвөлгөө байраа өндөр үнээр хөлслүүлэхийг хүсч буй хүн бүрт хэрэгтэй.

1. Байраа бэлд.
Байр хөлслүүлэгчдийн гаргадаг түгээмэл нэг алдаа бол- эхлээд хөлслүүлэх хүнээ олчихоод засвар хийх эсэхээ дараа нь шийдье гэж боддог явдал.
Энэ бол мөнгөө хэмнэж байгаа юм шиг хэрнээ үнэндээ их мөнгө олох боломжоо хойш нь тавьж байгаа хэрэг. Сайхан байр байхад хөлслөх хүн ч дорхноо олдоно шүү дээ. Эвдэрхий сантехниктэй, ханийн цаас нь хууларчихсан  байрыг хямд үнэ амлаад ч хөлслүүлэхэд амар биш. Таны байрыг үзэхээр ирсэн хүний анхны сэтгэгдэл маш чухал гэдгийг сайн санаарай. Тиймээс юуны түрүүнд байрандаа тохирох засварыг хийж, тохилог сайхан болго.

2. Ханхай хоосон байснаас хагас тавилгатай байсан нь дээр.
Адилхан нэг өрөө байрнууд яагаад заримдаа өөр өөр үнэтэй байдаг вэ? Байрлал, байр нь хүртэл адил хэрнээ 30-50 мянгаар илүү үнэлсэн байдаг нь гайхалтай. Тэгвэл ердөө тавилгатай гэдгээрээ давуу болоод тэр. Гэхдээ мэдээж үнэтэй том тавилганы тухай энд яриагүй. Та доорхи маягаар байраа хагас тавилгажуулж илүү үнэд хүргэж болно.
• Гал тогооны тавиур, шүүгээ
• Ханийн шүүгээ, хувцасны өлгүүр
• Гэрлийн бүрхүүл
• Хөшигний мод
• Цонхны тор
• Угаалгын өрөөний толь, ванны хөшиг, савангийн тавиур
• Агааржуулагч

3. Уян хатан бай.
Ихэнх хүмүүс хөлслөх гэж байгаа байрныхаа эзний найрсаг, уян хатан чанарыг хардаг. Тэдэнд таны зан чанар таалагдвал илүү өндөр хөлс төлөхөд ч бэлэн байдаг юм шүү. Тиймээс хөлслүүлэх хугацаа болон гэрээгээ цуцлах нөхцөл дээр илүү уян хатан байгаарай. Нүүж ирэхэд нь туслана гэдгээ ч илэрхийлж болох юм. Ингэвэл та байраа хамгийн өндөр үнээр хэдэн ч жил хөлслүүлж чадна.

4. Үл хөдлөх хөрөнгийн зөвлөхөөр зуучлуул.
Байр хөлслөх гэж буй хүмүүст найдвартай байдал хамгийн чухал. Албан ёсны үл хөдлөх хөрөнгө зуучлалын байгууллагаар зуучлуулж, гэрээгээ хуулиар баталгаажуулах нь тун ашигтай. Энэ нь таны байрыг илүү өндөр үнээр хөлслөх бас нэгэн шалтгаан юм.

Сэтгэгдлүүд (2)

Сэтгэгдэл ирэх бүрт мэдээлэл авах

орон сууц
бичсэн esee, Нохой сарын 08, 2010

сайхан зөвлөгөө бна,өөр олон олон төрлийн зөвлөгөө бну,

• 
• +0
• 
• 

Troubled[url=http://www.coach-factorysoutlet.org/]Coach Factory Outlet [/url] by the collapse of security, the United Stat [url=http://www.coachs-factorys.org/]Coach Factory Store[/url]other Weste
бичсэн Coach Factory Outlet, Нохой сарын 24, 2011

TroubledCoach Factory Outlet

by the collapse of security, the United Stat

Coach Factory Storeother

Western powers and Persian Gulf leaders had aggressively pushed for the

• 
• +0
• 
• 

Нэр

Имэйл

Вэб сайт

Гарчиг

Сэтгэгдэл

жижигрүүл | томруул

Имэйлээр мэдэгдэж байх (зөвхөн хэрэглэгчид)

Би уншиж танилцаад зөвшөөрч байна Дүрэм, журам.

Сэтгэгдэл үлдээх