Төмөр хүн 2

Яг одоогоор дэлхий дахинаа нээлтээ хийж, ашиг орлогоороо тэргүүлж байгаа киног цаг алдалгүй хамт үзэж чадсан учир Өргөө, Тэнгис театруудад талархаж байгаагаа хэлэх ёстой байх.
Гэхдээ харамсалтай нь сэтгэлд хүрч чадсангүй. Нилээд хэдэн шүүмж хэлэх гэж байгаадаа харамсаж л байна. Магадгүй би дэндүү гоё зүйлийг хүлээж байсан байх л даа.

Нэгдүгээрт киноны орчуулга дэндүү муу болжээ. Ёстой гурилдана гэдэг нь л болсон байналээ. Орчуулгыг нь та олж харах гэж үнэхээр үсээ зулгайна. Тэгээд олж харлаа гэхэд юу ч ойлгохгүй. Нэгэнт л дуулиан шуугиан болж гаргаж байгаагаас хойш орчуулгад нь хүртэл онцгой анхаарах ёстой гэж бодож байна.

Хоёрдугаарт киноны үйл явдал дэндүү нуршуу, үнэндээ гол зангилаа гээд байхаар зүйл алга. Үнэхээр уйтгартай. Та эхний ангийг нь үзсэн л бол хангалттай. Киноны өнгө үзэмж, зураг авалт, кино жүжигчидэдээ дэндүү их анхаараад киноны гол санаа нь орхигдсон юм болов уу даа.

Киног үзэх явцад нэг асуулт гарч ирсэн нь тэр их байлдаан, буудалцааны дараа Төмөр хүний бие яаж тэсдэг юм болоо? Мэдээж төмөр өмсгөл нь хуяг дуулгаар бэхлэгдсэн . Харин дотор нь байгаа бие яаж тэсэх вэ? Дараа нь зүв зүгээр л явж байх юм. Паналтай байгаа биз?

Үнэндээ бол таныг гайхашруулаад, алмайруулаад байх зүйлс гарахгүй. Яахав эхний ангийг нь үзээгүй хүмүүст сонирхолтой санагдаж магадгүй л юм.