2005 онд анх хэвлэлтээс гарсан Рик Риорданы зохиол “Lightning Thief” буюу монгол орчуулгаар “Перси Жексон Aянгын Эрэлд” хэмээх ном нь 2010 оны 2 сард кино болон гарч олон залуу үзэгчдийг байлдан дагуулсаар байна. Олон жил Грекийн түүх домгийг заадаг багш байсан Рик Риордан өөрийн хүүдээ оройн цагаар Грекийн үлгэр домгуудаас нэг нэгээр нь ярьж өгдөг байсан гэдэг. Гэвч сүүлдээ ярих үлгэргүй болсон тул хүүдээ зориулж Перси Жексоны тухай үлгэр зохион ярьж өгсөөр орчин үеийн үлгэр анх бүтсэн түүхтэй. Мирамикс Ном хэвлэлийн газар түүний зохиолыг хангалттай үнээр худалдан авснаар тэр заавал ажиллах шаардлагагүй болж цаашид дараа дараагийн зохиолынхоо үргэлжлэлийг бичих ажилдаа орсон юм. Одоогоор 5 ном нь хэвлэгдэн гарсан бөгөөд тэднийг дурдах юм бол The Sea of Monsters, The Titan’s Curse, The Battle of the Labyrinth, болон The Last Olympian.
Перси Жексон хэмээх жирийн хүү өөрийгөө үргэлж доожоогүй бүтэлгүй, бичиг уншиж чаддаггүй амьтан гэж бодож дүгнэж ирсэн байдаг. Харин нэг л өдөр түүний эргэн тойрны хүмүүс түүнд аюул тулгарч байна гэдгийг сануулж зугтаалгадаг. Тэрээр анх удаагаа өөрийгөө жирийн бус хүн төдийгүй Грекийн домогт гардаг гурван том бурханы нэг Посейдоны хүү болохоо мэднэ. Зеүс Посейдоны хүүг өөрийн аянгыг хулгайлсан хэмээн түүнийг 14 хоногийн дотор авчрахгүй бол дайн зарлана гэдгээ мэдэгддэг. Ийнхүү Перси Жексон өөрийн найзууд болох Аннабет болон Грувертэй хамт аянгын эрэлд морддог.
Сэтгэгдэл ирэх бүрт мэдээлэл авах
