Land Cruiser 200

Өнгөрсөн амралтын өдрүүдээр 3 хоног говийн нутгаар аялж байгаад ирэв. Энэ аялалд 2 тлк200 явсан юм. Ингээд ТЛК200-н талаар өөрийн сэтгэгдлийг хүүрнэе.
Зорчигчийн тохь тухтай байдлыг дээд зэргээр хангасан, явдал зөөлөн, маневр сайн, удирдлага сайн авдаг. Шарвалтын эсрэг систем сайн ажилладаг, энэ нь ховилтой замд болон гулгаатай замд ажиглагдаж байлаа.
Говиор гурав хоног аялахад ядралгүй сайхан яваад ирэв. Говийн дэржигнүүр ихтэй замд ажралгүй явав.
Сул тал нь нарийн тоос их ордог, хэт зөөлөн тул урд тэнхлэгээ цохих магадлал өндөртэй санагдлаа.
Зорчигчийн суудал бүр өөрийн халаагч, агааржуулагчийн системтэй, хойд суудал урд суудал хоорондын зай арай уужим тул сууж явахад хөл тулахгүй байх нь таатай байлаа. Тлк100-тай харьцуулахад хойд болон урд суудал хоорондын зай арай бага байдаг.
Дээрх машинууд нь УБ-замын үүд-н чиглэлд 3 удаа явсан гэхэд дуу ороогүй, сайхнаараа байлаа. Мөн нэг танилаасаа асуухад Ховд аймагруу 4н удаа явсан, ямар нэг асуудал, дуу чимээний асуудал гараагүй гэсэн юм.
Мөн дуу чимээний тусгаарлалт маш сайн, энэ нь засмал замд 160 км/ц хурдтай явж байхад агаарын эсэргүүцэл бага мэдэрч байгаа нь мэдрэгдэж байлаа.
Шатахуун зарцуулалт нь шороон замд хэр байсныг ажигласангүй, харин шулуун замд тлк100, лкс470-тай ойролцоо зарцуулалттай байв. Учир нь 2лаа ижил хөдөлгүүр буюу тоёота 2uz, V8 хөдөлгүүртэй юм.