Санал болгогч bb

Надад бол маш их таалагдсан. Старкыг хүнийх нь хувьд тун туйлбаргүй хийсэн юм шиг санагдсан. Скарлет Жохансенын дүр нь харин ёстой супер байсан. Юун Wonder Woman.

Орчуулгыг нь муу гэсэн байсан учир орчуулгыг нь ер харах гэж ч оролдоогүй ээ. Шал дэмий, буруу ойлгочих байх гэж бодоод...

2 кинотеатрт хоёуланд нь гарч байгаа болохоор харин хүн нэг их дүүрэн биш байна лээ.

Киноны талаар бичсэн чинь их таалагдлаа. Бүр үзмээр санагдчихлаа. Хааяа зүгээр зугаа гаргаад хөнгөн, хөгжилтэй кино үзэхэд сайхан шүү дээ.

Энэ хүүхэлдэй маш эгдүүтэйгээс гадна бид байгаль дэлхийгээ ямар аймаар болгон хувиргаж байгааг дахин бидэнд сануулж байгаагаараа их учир утгатай кино болсон гэж боддог.

Үнэхээрийн хүмүүсийн мөнхийн мөрөөдөл нь зүгээр дээшээ харж хэвтчихээд л үйлчлэгч роботуудаа өдөр тутмын ажилдаа зарах, тэднийг хөдөлмөрлүүлэх байдаг. Гэтэл энэ байдал эцэстээ юунд хүргэж болох вэ? Хүмүүс ямар хөгийн инээдтэй болж хувирсаныг харахад инээдтэй ч бас гутамшигтай байдаг. Үнэхээр бид ийм юм руу тэмүүлнэ гэж үү?

Гэр бүлээрээ хөгжилдөн сууж үзэх кинонуудын тоо нэмэгдлээ. “Луугаа хэрхэн сургах вэ?” кино нь Dreamworks-ын хийсэн бас нэг гайхамшигтай хүүхэлдэйнүүдийн нэг болжээ. Box Office-ын топ 10т багтсан энэхүү кино нь лууны тухай бидний ойлголтыг орвонгоор нь эргүүлэх болно.

Анхны кино нь эх зохиолынхоо үйл явдлыг яг таг дагаж байсан боловч дэндүү бага насныханд зориулагдсан болоод байсан тул бүх насныханд тохируулахын тулд зарим нэг зүйлийг өөрчилж эхэлсэн байна. Жишээ нь кинон дээр гардаг Toothless луу нь киноны баатар Hiccups-т тохирсон жижигхэн луу байдаг бол хүүхэлдэйн кинон дээрээ түүнийг луун дотроо ховорхон, аюултай, хэнд ч урьд нь баригдаж байгаагүй луу болгон хувиргасан гэнэ.

Энэхүү кино нь хүүхдүүдэд төдийгүй томчууд, кино шүүмжлэгчдээс хүртэл үнэхээр сайн үнэлгээ авч байгаа билээ. Зохиолын утга санаа нь үнэхээр хөөрхөн. Бид өөрсдөө ойлгоогүй, таньж мэдээгүй зүйлээ үргэлж өөрсдийн дайсан мэт бодож дайсагналцсанаар өөрсдөдөө дайсан бий болгодогийг харуулж чадсан. Мөн эцэг эхчүүдэд ч их сургамжтай кино болсон гэж бодож байна. Бид дандаа хүүхдүүдийнхээ хүсэл, мөрөөдөл, бодол санаа юу болохыг мэдэхийг ч хүсэхгүй зөвхөн өөрсдийнхөө хүсэл мөрөөдөлийг тэдэнд тулгадаг шүү дээ.

Энэхүү киног үзээд та нэг ч минут уйдахгүй шүү. Харин ч гайхамшигтай адал явдал, амьд үнэмшилтэй зураглалд нь гүнзгий орж тэнгэрээр дүүлж, галаар тургих болно.

Хэрэв та Love Actually гэдэг киног үзэж байсан бол түүний Холливудын залуу оддын хувилбар нь Valentine’s Day гэсэн үг. Олон залуу одод тоглосноороо сонирхолтой ч миний хувьд Love Actually-гаасаа нэг их дээрдээгүй ээ. Харин ч түүнд хүрэхгүй юм. Love Actually дээр цагаан хүү хар охинд хайраа илчилдэг бол энэ удаа Valentine’s day дээр цагаан хүү энэтхэг охинд талтайгаа илэрхийлдэг. Хэрэв эдгээр киног цуврал гэж үзвэл дараагийн анги дээр магадгүй хэн нэгэн цагаан хүү нь монгол охинд хайр зарлах ч юм бил үү хэн мэдлээ. хэ хэ хэ.

За, удаан хүсэн хүлээсний эцэст Lightning Thief киногоо Өргөөд үзлээ. Сул талаас нь хэд хэдэн сэтгэгдэл уншиж байсан тул нэг их өндөр сэтгэгдэлтэй ороогүй юм. Харри Поттертой дэндүү адилхан л гэнэ, Грекийн домгуудад хүрэхгүй л гэнэ.
Тэгсэн харин надад маш их таалагдсан шүү. Хүүхдүүдтэйгээ үзсэн болохоор тэднийг шөнө зүүдлэх вий гэж жаахан айж байлаа. Яагаад гэвэл үнэхээр аймаар зүүдэнд ормоор дүрүүд их гарч байсан. Яг л үлгэрийн аймшгийн баатрууд амилсан уу гэлтэй. Манай хүүхдүүдэд гэхдээ хамгийн аймаар нь могойн үстэй Медуса байсан гэцгээж байсан. Гэхдээ тэд хоорндоо нэг нэгнээ нүдээрээ харж хөшөө болгож тоглож байсан тул би дахин санаа зовоогүй.
Кинонд тоглосон хүүхдүүд анх удаа тоглож байгаа гэхэд үнэхээр чадварлаг тоглож байсан шүү. Харин байлдах урлаг нь тийм ч үнэмшилтэй санагдаагүй. Перси нь Посейдоны хүү учраас усыг маш гайхалтайгаар зэвсэг болгож ашиглаж байсан нь үнэхээр сүрдмээр онцгой байсан. Ерөнхийдөө бол хэрэв та Харри Поттерт дуртай бол Перси Жексоныг үзэхэд нэг их дутахгүй, харин ч илүү хөнгөн зугаатай байх болно. Ер нь бол дараа дараагийн зохиолуудыг нь захиалж авч уншина гэсэн бодолтой байгаа.

Дотны хүмүүс маань санал болгож байсан болохоор эдний үйлчилгээг энэ амралтын өдөр авлаа. Монголд бас хүний төлөө үнэхээр үйлчилж болдогийг харуулсан үйлчилгээг харлаа. Үүднээсээ авахуулаад найрсаг сайхан харилцаа угтан авсан бөгөөд эмчилгээ нь ч тун үр дүнтэй санагдсан. Эдний хуурай саун болон бусад биоэнерги нөхөх, хор гадагшлуулах, хөл нурууны массаж гээд өвөрмөц эмчилгээнүүд нь дөнгөж 15000 төгрөгт багтах юм билээ.

Миний авсан үйлчилгээ гэвэл:

Энгийн үйлчилгээ - 15000 төгрөг
Хагас биеийн массаж - 5000 төгрөг
Эмчийн үзлэг - 5000 төгрөг
Гоо сайхан - 15000 төгрөг

гээд нийтдээ 40000 төгрөг зарцуулаад бүтэн 5-6 цаг биеэ эмчлүүлээд алжаал ядаргаагаа гаргаж чадсан шүү.
Компьютерийнхээ өмнө олон цагаар хөдөлгөөнгүй суудаг бидний залуус гол төлөв ядаргаанд орж, биеийн дархлаажуулалт сулардагаас амархан өвчинд автамхай, сул дорой болчихдог. Тэгвэл энэхүү төвд эмчлүүлснээр биеийнхээ дархлааг сайжруулж, ядаргаагаа гаргахаас гадна элдэв өвчнөө эмчлэх бололцоотой юм билээ. Бас тарган хүмүүст зориулж тураах үйлчилгээ ч байсан. Дотроо бас хоолоо захиалаад идчихэж болдог.

Энэ үнэхээр агуу сайн бүтээл болсон. Надад ер нь бүх жижиг үйл явдлууд нь таалагддаг. Тэдэн дундаас хүү Аз Жаргал юу вэ гэдгийг олж мэдэхээр нэгэн баян айлынд очдог хэсэг нь хамгийн гүн сэтгэгдэл үлдээсэн гэх юм уу даа. Тэрээр баянаас "Аз жаргал юунд оршдог вэ?" хэмээн асуухад баян түүнд жижиг халбага бариулаад түүнд нь хэдэн дусал тос тусаагаад "За чи миний орд харш, эргэн тойрныг явж үзчихээд ир, харин чи наад тосноосоо дусал ч тос асгаж болохгүй шүү" хэмээдэг. Хүү тосыг асгачих вий гэж айснаас болоод ордны эргэн тойрны сонин хачин, гоё сайхныг юу ч үзэж чадалгүй буцаад ирдэг. Тэгэхэд нь баян өвгөн "Аз жаргал гэж энэ жижиг халбаган дээрх тосыг ч унагааж алдалгүй эргэн тойрны бүхий л сайн сайхан, гоё чамин зүйлсийг үзэж харахыг хэлнэ" гэж айлддаг. Үүний утга учрыг юу гэж тайлсан бэ гэхээр жижиг халбаган дээрх хэдэн дусал тос нь хүний ажил төрөл, гэр бүл, бусад нийгмийн хариуцлагууд байж болох бөгөөд зөвхөн тэр л зүйл дээр төвлөрч амьдарвал хүн аз жаргалтай амьдарч чадахгүй. Харин хорвоо өртөнцийн гоё сайхан гайхамшгийг мэдэрч үргэлж шинэ сэргэг мэдлэгээр өөрийгөө баяжуулж байх нь хүнийг аз жаргалтай болгодог байна. Тиймээс залуусаа, одоо шигдэн суугаа наад оффисоосоо гараад нэг сайхан цэвэр агаар амьсгалангаа Алхимичийг номын сангаас авч уншаарай. Амьдралд чинь өөрчлөлт орох вий. Тэгээд уншаад төрсөн сэтгэгдлээсээ доор бичээрэй. Амжилт хүсье.

Жич: Номыг уншаад жил болчихсон тул санаанд үлдсэн хэсгүүдээ нийлүүлэн бичлээ. Яг номноос нь үгчилж авч чадаагүйдээ хүлцэл өчье.

Өвөрмөц санаа гаргасан, сонирхолтой кино болсон. Нэг үзчихэд гэмгүй.