RAM -ны талаар бага, дунд, их, дээд сургуулиудын сурах бичигт зөндөө олон удаа заасан зааварласан байдгийн нэгийг та хэдийн уншсан гэдэгт итгэлтэй байна. Тэгэхээр бүр нарийн ширийнийг яарихаа болихоор шийдлээ. Гол чухам ямар нь ямар байдгийг л ярилцъя мөн сүүлийн үеийн RAM -ны талаар. Учир нь ихэнх сурах бичиг дээр дандаа шахуу их дээр үеийн эдийн талаар бичсэн байдаг.

За ингээд рам нь хэмжээ дамжаагаараа 3 төрөл байдаг. Нэг нь SODIMM буюу зөөврийн компьютерийн РАМ, 2 дахь нь DIMM буюу одоо үеийн бидний хэрэглэдэг энгийн суурийн компьютерийн рам, 3 дахь нь SIMM буюу эртний рам Pentium 1,2 дээр харагддаг.

DIMM

SIMM

SODIMM

Харин эдгээр нь дотроо SDR, SDRDDR, RDR, DDR2 гээд олон төрөл байдаг. Төрөл болгоны талаар ярьвал толгой эргэнэ. Харин хамгийн сүүлийн үеийнх нь загвар бол DDR2 төрлийнх бөгөөд Хурд нь DDR ээсээ ойролцоогоор 2 дахин их хурдтай байдаг. DDR2 нь зөөврийн болон, суурийн компьютер дээр 2 уулан дээр нь байдаг.

Раманд санах ойн хэмжээгээс гадна олон төрлийн үзүүлэлт байдаг. Тэгэхдээ санах ойн хэмжээ чухал юм. Үүнээс гадна бас нэгэн чухал үзүүлэлт бол хурд нь юм.

Хурд нь таны харахад 500, 667, 800Mhz зэргээр харагдана. Үүнийг гаднаас шууд хараад мэдэж болохгүй ч РАМ ны талаар бичсэн үзүүлэлт дээрээс нь та харж болно. Одоогоор хамгийн сайн нь 1066, 1333 байгаа бөгөөд ихэнх хэрэглэгчдийн хувьд 667, 800 ын хурдтай нь хангалттай сонголт хэвээр байгаа болно. Үүнээс гадна Timing гэж бас нэг чухал үзүүлэлт байдаг. Энэ нь таны ПС-д маш чухал байдаг боловч хүн бүр төдийлөн мэддэггүй. Энэ талаар ярьвал бас нилээн юм болох тул таньд товчлон хэлэхэд  4-4-4-12 гэсэн алхамтай нь түгээмэл энгийн бөгөөд 7-7-7-20 гэх мэт өндөр хүчин чадалтайг илтгэнэ гэж ойлгож болно. Та ямартаа ч өндөр зэрэглэлийн ПС хэрэглэх сонирхолгүй бол 4-4-4-12 гэсэн алхамтайг нь авахад асуудалгүй юм.

DDR2 RAM нь харагдах байдлын хувьд дээр нь суурилсан чип нь жижг дөрвөлжин хэлбэртэй байдаг

За одоо гол буюу Санах ойн хэмжээний тухай ярья. Энэ тоо мэдээж их байх тусмаа сайн боловч та үнэхээр аймшигтай программ дээр ажиллах гээгүй л бол 4096 цаашлаад 8192 МБ ын рам хэрэглэх шаардлагагүй хамгийн боломжийн сонголт бол 2048ГБ рам байх болно. Тэгээд ч бидний өргөн хэрэглдэг Windows XP SP2 үйлдлийн систем нь хэвийн үедээ 128МБ, Vista үйлдлийн систем нь 512МБ хэрэглэх ба энгийн хэрэглээний программууд энэнээс ч бага РАМ хэрэглэнэ. Тэгэхээр та хэрвээ энгийн хэрэглээний ПС д рам авах бол 2048 -с хэтрүүлэх нь бараг л шаардлагагүй юм. Мөн XP SP2 нь 3072 -с их рам -г авдаггүй.

Ингээд төгсгөл болгож хэлэхэд та энгийн хэрэглээнд 1024 -н 667 хурдтай 4-4-4-12 гэсэн RAM(би нилээн олон программ зэрэг ашигладаг ба миний компьютер ийм үзүүлэлттэй юм), харин жоохон хүчтэй болгомоор байвал 2048-н 800 хурдтай 5-5-5-18 гэсэн рам авахад хангалттай. Гэхдээ энэ бол зөвхөн өнөөдрийн байдлаар магадгүй удахгүй 1024 нь бага рамны тоонд орох байх.

Та мэдэж 4096 санах ойтой рам авч болох хэдий ч үнэнийг хэлэхэд та студын зорилгоор ашиглах гээгүй л бол шаардлагагүй юм.

Харин та өнөөдөр 512 болон түүнээс бага рамтай байгаа бол 1024 болгохыг танд зөвлөж байна. Сүүлийн үеийн Microsoft Office 2007, Acrobat 8, Windows Vista үйлдлийн систем, программ зэрэг нь ихээхэн рам шаардах болсон юм.

Та өөрийн РАМ -г нэмүүлэх бол, өөрөө солиход хэдийгээр хялбархан боловч аюулгүй байдлаа бодоод худалдан авч байгаа газраараа эсвэл, засварын газруудаар нэмүүлж, солиулаарай. Мөн түүнчлэн таны эх хавтанд таарах таарахгүй рам байгаа, жишээлбэл DDR т зориулсан эх хавтантай бол DDR2 нь таарахгүй, SDR таарах хавтантай бол DDR таарахгүй. Учир нь шүдний ацгийн зөрөө болон хурдыг нь дэмжих, дэмжихгүй зэрэг ихээхэн ялгаатай.

Таныг бага ч гэсэн тодорхой ойлголттой болсон гэдэгт найдаж байна. Тодорхойгүй зүйл байвал лавлаарай.

Өшөө их уншмаар байвал: http://en.wikipedia.org/wiki/RAM

8 Сэтгэгдлүүд