Эмэгтэйчүүдийн байнгын сэдэв жингээ хасах, гуалиг сайхан болох байдаг. Та доорх зөвлөгөөнөөс хэрхэн өөрийгөө зовоолгүйгээр жингээ хасах талаар их өвөрмөц аргуудыг унших болно. Илүүдэл жин маань буруу хоололт хөдөлгөөн дутагдсанаас бий болдог. Энэ зөвлөгөө нь юу идэж байгаа дээр биш харин хэрхэн идэж байгаа дээрээ төвлөрөх юм. Эхлээд эдгээр нь танд хачин санагдаж байж болох ч зуршил болгох юм бол үр дүнг нь та харах болно.

1. Удаан идэцгээе!

Бараг хүн бүр их хурдан иддэгээ анзаардаггүй. Ойролцоогоор 20 минутийн дараа бидний ходоод цадсан гэдгээ тархинд дамжуулж хэлдэг гэнэ. Гэтэл бид хоол идэхдээ 10 минутийг л зарцуулдаг шүү дээ. Тэгэхээр бидний бие организмад шаардлагатай хоол хүнсээс үргэлж илүү ихийг идсэний үр дүнд илүүдэл жин бий болдог. Удаан сайтар зажилж идэхэд цадсан мэдрэмжийг бид хүлээж авахад бэлэн болдог байна.

2.  Жижиг тавгийг ашиглацгаая!

Хэрчсэн төмс бусад хоолон дахь хүнсний бүтээгдэхүүнүүд оройн хоолны тавганд маань жижигхэн харагддаг. Тэгэхээр бид өөрсдөдөө хэтрүүлэн идэж байгааг мэдрүүлэхийн тулд жижигхэн тавганд хийж идэх нь тархинд цадсан гэсэн мэдээлэл хүрж та хэтрүүлэн идэх зуршлаас салах юм.

3. Ширээн дээрээ суу

Нэг хазам хүнсийг хүртэл ширээн дээрээ сууж ид. Тухлаж аван элдэв чипс, печенье бусад хүнс хэмлэх нь мэдээж илүүдэл жинг үүсгэнэ шүү дээ.

4. Зөвхөн тавагнаас ид

Чипс, попкорн гэх мэтийг идэхдээ тавганд хийж идэх нь дээрхийн хэлсэн адил хэр их хэмжээгээр идэж байгаагаа хянах бололцоог олгодог. Савалсан уутнаас нь идэхэд за тэгээд буйдан дээр тухалж авсан бол таны тархи хэтрүүлэн идэх дохиог ялгаж чадахгүй л болов уу? Дашрамд хэлэхэд савалгаатай хүнсний бүхий л бүтээгдэхүүнийг ийн идэх нь чухал. 

 5. Хоолтой тавгаа өөрөөсөө холдуул

Магадгүй та аль хэдийн сайхан хооллосон атлаа нүдэнд тань хоол харагдвал хоёр гурав халбагадаж идэх дуршил хөдлөнө шүү дээ. Тиймээс хооллож дуусаад бусдын ч юм уу өөрийнхөө үлдэгдэл хоолыг нүдэндээ харагдахгүй газар тавиарай.

 6. Үнэтэй амттанг идэх

Амьдралын амтыг чихэр, школад зайрмаг гээд амттангүйгээр төсөөлж болохгүй болов уу? Харин тэдгээр амттан жин нэмэх бас нэг том шалтгаан болдог. Хамгийн үнэтэй десертүүдийг худалдан авах чадвартай тохируулан ав. Ингэснээр амттанаа та хэтрүүлэлгүй идэхээс гадна амттан улам ч их амттай санагдах болно. Санхүү гэдэг бол сайн хязгаарлалт болох болно.

 7. Олон удаа хоолло

Махны хэрэгцээгээ багасга. Махны оронд ногоо, жимс гэх мэтчилэн эрүүл хүнсийг сонгон хэрэглэ. Мөн өдөрт бага багаар 7-8 удаа хоолло. Махаар амтлагдсан хоол идэхээ өдөр бүр багасгахыг хичээгээрэй.

 8. Идэж байгаа бол зөвхөн ид.

Идэж байхдаа зурагт үзэж, сонин уншиж эсвэл хэн нэгэнтэй яриа өрнүүлж машин барих хэрэггүй. Хоол хүнсэн дээрээ төвлөрч дуршилтайгаар хоолоо л зөвхөн ид. Бусад зүйлийг идэж байхдаа давхар хийх нь автоматаар их идэх үйлдлийг дагуулна.

 9. Уух шингэн дээрээ анхаар

Уух зүйлсээсээ та хэр их калори авч байгаагаа тооц. Хэрэв та чихэрлэг жүүс, сод, спиртийн төрлийн ундаанаас татгалзаж чадвал хэдэн зуун калорийг өдөрт хаях болно. Эдгээрийн оронд халуун цай, ice tea, ус зэргийг хэрэглэ.

 10. Дуршилаа дарах

Та амттан, сайхан хоол идмээр санагдаж хоолны дуршил тань хөдөлж байна уу? Тэгвэл түүнийг дарахын тулд эхлээд 5 минут хүлээ, хэрэв үнэхээр идмээр санагдаад байвал тухайн хүнснээсээ жижигхэн тавган дээр цөөхөн хэдэн хазамыг тавиад удаанаар идээрэй. Мэдээж үлдсэн амттанаа нүдэнд харагдахгүй газар тавих хэрэгтэй. 

Хооллох энгийн хэдхэн дүрэм баримталснаар та өдөр бүр хэдэн зуун калорийг хасах бололцоо байдаг. Туршаад л үз, зуршил болсон үйлдлүүд үр дүнтэй байх болно шүү!

11 Сэтгэгдлүүд