Гэрийн маск гэдэг хамгийн тав тухтай, ахин дахин хэрэглэж турших боломжтой тэгээд дээр нь өртөг багатай байдаг. Энэ удаад хамгийн өртөг багатай хуурай арьсанд тавих гэрийн маскийг бүсгүй танд санал болгож байна.

Та хөргөгчөө нээдээ. Тэнд нэгхэн ширхэг өндөг зайлшгүй байгаа гэдэгт итгэлтэй байна.
Тэгвэл өндөг маань масканд орох бүхийл материалыг хангах болно.
Өндөгөө эвтэйхэн хагалж шараас нь салгаж авна. Ингээд өндөгний цагааныг нь нүүр, хүзүүндээ жигдхэн түрхэж өгнө. Мөн ногоон огурцыг нүдэн дээрээ тавин дээш харж хэвтээд амарч, тайвшир.
Ойролцоогоор 15 минутийн турш ийн байлгасны дараа бүлээн усаар масктай нүүрээ зайлна. Нүүр тань гүн цэвэрлэгдэж, зөөлөрсөн байхыг та ажиглах болно.
Долоо хоногт нэг өндөгний маск тавихад хуурайшиж, өнгө алдсан арьсыг хурдан хугацаанд сэргээхээс гадна өндгөний найрлаганд орсон эрдэс бодисууд нь цайруулах үйлчилгээг давхар үзүүлдэг болохыг баталсан.

Хэрэв та тослог арьстай бол:

• Мэдээж та тослог агуулсан бүтээгдэхүүнээс аль болох татгалзаж, арьсны нүхийг цэвэр байлгаж, нүх томрох болон бохирдохоос үргэлж сэргийлэх хэрэгтэй. Тослог арьсанд зориулсан гэрийн маск бэлтгэхийн тулд танд доорх зүйлс хэрэг болно.
•  Хоолны том халбагаар/бидний өдөр тутам хэрэглэдэг энгийн том халбага/ авсантай тэнцүү хэмжээний лемоны шүүс
  
• 1 ш өндөгний цагаан
  
• Хоолны том халбагаар 1 авсантай тэнцүү хэмжээний зөгийн бал
  
• Хагас аяга гүзээлзгэнэ

Эдгээрийг бэлдсэнийхээ дараа бүгдийг нь сайтар хольж хутгаж өгнө. Гүзээлзгэнэ нь наалданги шинж чанартай учир тослог арьсанд тань цочрол өгөлгүй гайхалтайгаар цэвэрлэх болно.Түрхэхэд бага зэрэг төвөгтэй байвал нимгэн аль болох жигд тархацтай түрхээрэй.Таны бүтээсэн маскний үнэр гайхалтай байгаа биз. Мөн арьсанд тань хэрэгтэй амин дэмүүдийг өгөх болно. Тослог арьсанд тавьж болох өөр нэгэн маск бол шавран маск юм. Гэхдээ мэдээж та бэлэн болгосон бүтээгдэхүүнийг сонгон авч хэрэглэсэн нь илүү хялбар байх юм. Мөн та тослог арьсанд доорх бүтээгдэхүүнийг хэрэглэвэл зохистой.

Хөөсөөр цэвэрлэгч
Тослоггүй чийгшүүлэгч
Шавран маск
Тос шингээгч цаас

Та өөрөө өөртөө гоо сайханч.  Гоо сайхан ертөнцийг аварна. Танд амжилт хүсье!

4 Сэтгэгдлүүд