|
Зохиогч Э.Халиун
|
|
2008/06/30 - 11:16 |
|
Хэрхэн камераа зөв аюулгүй цэвэрлэх талаарх зөвлөгөөг та доорх хэсгээс олж авах болно. Цөөхөн хэдхэн алхмыг хийснээр камерийнхаа насыг та уртасгах болно. Алхам 1.
Камерийн доторхийг цэвэрлэхдээ арын хэсгийг нь онгойлгож тоосийг нь үлээгүүрээр үлээлгэх замаар арилгана. Шахахад агаар үлээгдэх энэ төрлийн өөр хэрэглүүр ашигласан ч бас болно. Алхам 2.
Камерийн линзэн дахь тоосыг даралттай үлээгүүрээр эсвэл линз цэвэрлэгч тусгай бодисоор цэвэрлэж болохоос гадна зөөлөн материалаар болгоомжтой арчиж өгнө. Линзэнд гэмтэл учруулж болзошгүй учир материал сонголт дээр их анхаарах шаардлагатай. Алхам 3.
Үл ялиг чийгтэй зөөлөн материалаар камерийн гадарыг арчиж өг. Ингэхдээ камерийн дотоод хэсэгт ус оруулахгүй байх хэрэгтэйг анхааруулъя! Эс бөгөөс камер тань аюултай гэмтэх магадлалтай. Алхам 4. Камерийн гадар дээрх зураас, өнгөрийг зөөлөн үстэй хуурай шүдний сойзоор зүлгэж өг. Алхам 5.
Батарейн мэдрэгчийг харандааны баллуураар үрж өгснөөр цэвэрлэгээгээ дуусгах юм. Анхааруулга: Камер дотор плёнк байхад арын хэсгийг онгойлгохгүй байхыг анхааруулья. Учир нь таны зургууд гэрэл цохих аюултай.
 |
|
Сүүлд шинэчлэгдсэн 2008/06/30 - 11:27 |