|
Зохиогч М.Ундрал
|
|
2008/09/01 - 14:39 |
Coke'n Beat наадам 2 дах жилдээ амжилттай зохион байгуулагдлаа. Монгол шилтгээний задгай талбайд амьд хөгжим сонирхогч олон 2 өдөр наадаж өнгөрөв. 8 сарын 29,30 нд болох ёстой байсан наадам борооноос болж хойшлон 30,31 нд болж өнгөрсөн юм. Coke'n Beat ээс монголд амьд хөгжим хичнээн хүчтэй дэлгэрч байгаа нь тод харагдаж байсан юм. 27 хамтлаг тэмцээнд оролцож түүнээс 9 хамтлаг нь дараагийн шатанд шалгарсан юм. Green Mask, H.T.S, Шүүдрийн Дусал, Мишээл, Домог, L Guards (life guards) ...зэрэг хамтлагууд дараагийн шатанд шалгарч үнэхээр сайхан тоглолтуудыг үзүүлсэн. L Guards хамтлагт гэхэд 15 настай 2 бөмбөрчин байдаг. Үүнээс харахад амьд хөгжим хичнээн хөгжиж, амьд хөгжим сонирхогчид хичнээн олон болсон нь мэдэгдэж байгаа юм.
Наадмыг Өөдөө, Мөөгийн 2 хөтөлсөн ба гитарчин Өөжгий, Цоомоо, Том Жагаа нар шүүсэн юм. Наадамд түрүүлсэн хамтлагууд Asian Beat наадамд оролцох буюу бүх зардалыг нь тэмцээний зохион байгуулагч нар даах юм байна. Өнгөрсөн жил Asian Beat д Нисванис хамтлаг оролцсон юм байна. Наадмыг MCS, YAMAHA Total music ивээн тэтгэж, наадмыг үзэж буй хүмүүс Coca Cola гаар ундаалж байлаа.
Үнэхээр л наадмын талбай үзэгчидэд хангалттай байсан ба үйлчилгээ цомхон боловч хүмүүст хүртээлтэй байв. Гэхдээ үзэгчидэд суух сандал ширээ хүртээл муутай байсан учир үзэгчид зүлгэндээр сууцгааж байсан юм. Гэхдээ л энэ нь хүмүүст таатай мэт харагдаж байсан.
Наадмын 2 дах өдөр эхлэхэд хүмүүс настер муутайхан байсан бол урилгаар ирсэн Аясын Салхи хамтлагыг тайзандээр гарсанаас хойш байдал шал өөр болж, рокруудыг баясгаж эхэлсэн юм. Аясын Салхи хамтлаг хүнд рокын анхдагч гэдгээ баталж үзэгчидийн цусыг нь хөөргөж байсан. Рокрууд эхний өдөр мотоциклоор хүмүүсийн нүдийг хужирлаж байсан бол дараагийн өдөр мөн л үзэгчидийн нүдийг нь баясгасан.
Зарим үзэгчид бүр майхантайгаа очоод хоносон харагдаж байсан.
Үнэхээр амьд хөгжмийн сайхныг 2 өдөр мэдэрсэн хүмүүс эрч хүчтэй, сэтгэл хангалуун буцаж байх шиг харагдсан. Хамтлагуудын чадвар, чансаа хүртэл дээд зэрэглэлийн болж чадсан гэдгээ ч энэ үеэр харуулаад амжиналээ.
Цааш цаашдаа амьд хөгжмийн шоу наадмуудыг үзэх үзэгчид, сонсох сонсогчид илүү олон болно гэж бодож байна.
Энэ жилийн наадамд Чоно хамтлаг түрүүлсэн юм.
 |
|
Сүүлд шинэчлэгдсэн 2008/09/04 - 20:44 |
Холбоос байрлуулах | Манай баннерууд
